[忽然一週 第823期]蔡少芬挺肚督工裝修
共 11057 浏览 23 回帖&&
积分: 25640
发帖: 11372 篇
在线时长: 1201 小时
[忽然一週 第823期]蔡少芬挺肚督工裝修
[忽然一週 第823期]娛一叮 臨盆前唔信邪 蔡少芬挺肚督工裝修
Ada長胎唔長肉，身懷 45吋巨肚，但四肢依然纖瘦，臉上也不見水腫，恨死唔少大肚婆。
佗住兔女的蔡少芬預產期有傳在今周，不過，臨盆在即的蔡少芬（ Ada）唔似一般大肚婆留家安胎，反而愛四圍「騰」。
信基督的Ada（蔡之洋名）百無禁忌，幾乎犯盡孕婦禁忌，不但去電髮、看驚慄片，最大忌是新屋大裝修，挺着約45吋巨肚的 Ada，隔兩三日就到沙塵滾滾的新居親自督工，有神護體果然唔信邪。哈利路亞！
蔡少芬同內地武夫張晉婚後，努力造人成功，預產期在本月，盛傳在今周，不過她為免傳媒追訪，連身邊友人都變了拉鍊口。
Ada臨盆在即，原本在內地拍攝王家衛《一代宗師》的張晉，早已向劇組請假，返港陪老婆待產。連日來 Ada又睇戲又約朋友食飯，節目多多唔黐家。教友爆料：「有生仔經驗嘅教友都叫佢臨生前唔好周圍去，喺屋企附近散步做運動就好喇。不過 Ada坐唔定，成日扭計要出街，老公當然順佢意啦﹗」
上周六中午，蔡少芬挺住巨肚，穿上平底鞋健步如飛，帶頭率領一眾親友到新居參觀， Ada無懼現場大塵和灰水味，口罩都無戴就一支箭颷入新居督工。
為了迎接小生命來臨，蔡少芬除了以高價 700萬購入新居，近月又買了黑色七人車，原本的私家車則贈予母親（白帽）。
摸頂購獨立屋
蔡少芬夫婦去年尾出售沙田碧濤花園，租住好友謝寧的錦繡花園獨立屋，不久即傳喜訊。為迎小生命來臨， Ada在樓市高峰期以 7百萬購入同一屋苑另一逾千呎獨立屋，更無視大肚婆禁忌，花百萬元大裝修。
上周六（ 4月 30日），中午時分， Ada雖然挺住巨肚，步履卻輕盈地率領媽咪及四、五位親友到新屋睇裝修。現場所見，新屋的地板和磚牆還在修葺中，估計至少個多月後才可完工，地上放滿工具和材料，非常混亂，加上沙塵滾滚， Ada連口罩都無戴，就直入新屋，都幾勇！
犯禁一 大肚裝修
有神護體的 Ada百無禁忌，連新居圍板上也畫上一個大大十字架。
Ada新居裝修了近一個月，仍圍着木板，四周放滿沙泥磚石，睇怕一個月未必搞得掂，難怪 Ada咁心急，周不時要親自監察進度。
犯禁二 睇驚慄片
4月 29日，蔡少芬陪老公紋身四粒鐘仲唔夠皮，之後又去圓方睇懸疑驚慄片《危機解密》。呢個大肚婆冇有怕，認真膽生毛。
犯禁三 電髮
3月， Ada走去電髮一坐三粒鐘，並放上微博，即遭在內地工作的老公張晉責備：「孕婦可電髮嗎？」 Ada駁嘴：「我有戴口罩」，又笑罵好心勸喻她的網友「多管閒事！」不過上月， Ada又把曲髮剪掉。
趕滿月前入伙
只見她高聲問師傅：「個 BB房整成點呀？」然後又催促：「哎呀，一個月後整好未呀？我趕住滿月前入伙 o架﹗」
據工人透露：「佢（指 Ada）好緊張，隔日就嚟睇進度，周圍咁混亂，又有灰水味，我哋都叫佢小心啲，佢每次嚟都第一時間入去 BB房睇先嘅﹗」
Ada有神護體，繼續百無禁忌。早前，她已毫不顧忌電髮，並放上微博，即時遭網友和好友勸喻，說大肚婆不可聞電髮水味。不過， Ada依然我行我素。上周， Ada兩公婆山長水又遠由元朗錦繡花園，到尖沙嘴漢口道某唐樓， Ada還連撐四層樓梯，原來是陪老公找著名紋身師傅 Gabe紋身，紋足四小時。其間 Ada坐吓企吓，一時走近望住師傅紋身，一時又嗌肚餓。幸好她買定麵包及飲品醫肚，更細心餵老公啃包，非常恩愛。之後，兩公婆同友人一起到圓方戲院睇驚慄片《危機解密》，果然是另類大肚婆。
上月， Ada一班教會好友為未出世 B女舉行 party，陳法蓉還扮大肚。
陳法蓉跟 Ada情如姊妹，跟 Ada家人也相當稔熟。上周六下午，她獨自駕車到元朗參加 Ada的家庭敍會。
張晉十字架紋身曝光
張晉紋了十字架在右腳足踝上，幾日後紅腫仍未消退。
4月 29日紋身 4粒鐘
張晉返港陪老婆待產， Ada就日日捉住老公出街四圍逛，更悉心襯到絕。
張晉紋身期間，表情輕鬆，還不時玩微博，果然武夫出身，忍痛異於常人。
紋身紋足四粒鐘， Ada早有準備買定麵包、珍珠奶茶，更餵躺在牀上的老公，十分好服侍。
張晉專程找著名紋身師傅 Gabe，在右足踝紋上十字架，上周六紅腫仍未退， Ada更在微博回應，表示也想紋一個。
臨生緊張興奮
早前 Ada被問到臨盆前還四圍去，佢解釋話：「依家個肚咁大，條腰好攰，都驚隨時生得，執定走佬袋喺車尾，真係又緊張又興奮，但我留喺屋企真係好悶，所以出街，當做產前運動囉﹗」
撰文：娛樂組
攝影：攝影組
18:07:23 被【
网易论坛，天天相伴
歌在唱舞在跳 長夜漫漫不覺曉 將快樂尋找
boboHtml = '';
html += boboH
NTES(".bobo-list").attr("innerHTML", function() {
return this.innerHTML +
}, "utf-8");
积分: 25644
发帖: 11373 篇
在线时长: 1201 小时
[忽然一週 第823期]娛一叮 寸宿敵放料 陳法拉 諸葛微博開火
陳法拉和諸葛梓岐雖然同為薛家新抱，但同門唔同心，近年兩女不時互寸互窒，今鋪諸葛明撐 Regen就辣?法拉。《蘋果日報》圖片
陳法拉和諸葛梓岐同樣身為 Neway薛家新抱，卻向來水火不容，諸葛去年踢爆法拉「婚訊」後，雙方因此激起罵戰。之後又嚟料，早前有傳媒報道遭法拉打入泠宮的 HotCha成員 Regen（張惠雅），反獲諸葛男友薛家二少薛嘉麟斥資七位數字力捧，諸葛此舉明剃大嫂眼眉。
縱使諸葛在報道中口口聲聲表示不知情，但谷到眼火爆的法拉，當晚凌晨四點睇完剛出街的報紙時，即忍唔住在微博狂插有人放料夾新聞，臨尾更抵死地說：「哼！我就不搞花邊新聞，吹啊！」
諸葛梓岐出道短短三年，是非已不絕於耳，年底她將會嫁給薛家二少薛嘉麟，地位與法拉睇齊，相信到時兩位薛家新抱繼續有連番惡鬥。
早前傳出法拉因不滿老公薛世恒和 HotCha的 Regen傳緋聞而下格殺令，將 Regen遣返東涌居屋，但一向與妯娌不啱嘴型的諸葛梓岐卻專登唱反調，據知諸葛未婚夫薛嘉麟的 Neway今年反而會力捧 HotCha，變相令 Regen「翻生」。
問到諸葛睇法，她即對事件劃清界線。「呢啲係男朋友公司嘅嘢，公私分明，我真係唔知喎。況且雜誌寫嘅嘢，我只會當笑話咁睇，我同法拉一向冇嘢！」
法拉暗寸冇道德
以往經常與法拉隔空互罵的諸葛，忽然向宿敵示好，據知全因她年底將要下嫁薛家二少，為免激嬲老爺奶奶，令婚事生變卦，因此近日頻頻向法拉伸出友誼之手，但法拉上周日（ 24日）凌晨四點，一睇到報紙大字標題寫着「諸葛攬 Regen剃法拉眼眉」，認定有人又有小動作，即時在微博還擊說：「看到某些『繕稿』真是無語。我專心演好戲，唱好歌，學做人，不夠嗎？沒有人或事可以逼我跨過自己的道德底線。哼，我就不搞花邊新聞，吹啊！」擺明踩諸葛與傳媒夾做繕稿，又暗寸對方冇道德底線。
今年 2月，法拉老公薛世恒被拍得趁法拉去美國登台，與 HotCha的 Regen行街嘆甜品，及以靚車接載女方。事件曝光後，有指法拉勒令薛要斬纜， Regen更迫住要搬返東涌娘家。《 Face》圖片
以往在公開場合與老公十分避忌的陳法拉，日前高調與老公及馬浚偉一同欣賞王菲巡迴個唱，以行動證明感情打風都打唔甩。
家庭飯局有你冇我
眼見大嫂發火，諸葛翌日（ 25日）即時在微博做嘢，用打油詩寫「香港『作家』真是多，八封（卦）新聞隨意創，面對是非已習慣，竅門就是聰明人，懶理開懷笑一笑，精彩生活自己控。」擺出一副事不關己的態度。
據知該報道一出，向來真性情的法拉，即時向男友告枕頭狀，指難頂有人經常以她作話題博見報，講明短時間內不想在家庭敍會與諸葛碰面。「其實大少同二少每個禮拜，指定有一日一齊同女友返九肚山老爺大宅食晚飯，不過兩 pair人通常嚟到都會各自上房，到埋位開飯先至落去大廳。每次食飯都係老爺講嘢最多，兩個仔同女友就冇乜講嘢！」知情人士透露。自報道出街後，據知法拉以趕劇為由，缺席上星期的家庭敍會。對於在微博開火一事，本刊分別致電法拉和諸葛梓岐，但至截稿前仍未回覆。
諸葛撐 Regen的報道出街當日凌晨四時許，陳法拉已經忍唔住在微博直斥看到的是「繕稿」（指有人放料，而傳媒作討好報道的稿件。）
法拉在微博留言後翌日，諸葛留言指香港多作家搞八卦花邊新聞，叫大家若果是聰明人就應該笑一笑懶理它。自我解釋一番補鑊之餘，更似乎對法拉明褒暗貶，暗示她非聰明人。
對於陳法拉此段「好火」留言，不少網友都對她大表支持，有人更表示會鄙視那位姓名四個字的某人。
撰文：娛樂組
21:14:49 被【
网易论坛，天天相伴
歌在唱舞在跳 長夜漫漫不覺曉 將快樂尋找
积分: 25645
发帖: 11373 篇
在线时长: 1201 小时
[忽然一週 第823期]娛一叮 年頭三度驗身後情緒低落 蔡一傑醉駕拒驗傷
傑仔自三度驗身後，情緒顯得極低落。未發生醉駕事件前，他經常一個人揸車到寓所附近食午飯，之後便返家，戒絕夜生活。
周日（ 1日）早上 7時許，蔡一傑在伍詠薇貝沙灣寓所通宵劈酒談心後，獨自駕駛價值 229萬的黑色賓利跑車返回薄扶林寓所，途中竟在沙宣道 8號對開失控，撞向行人路郵筒及消防龍頭。事後他接受酒精測試證實超標，被警方拘捕，獲准以 5千元保釋，月尾再返警署報到。事發後，有消息指傑仔因同性密友張耀揚另結新歡而悶悶不樂，於是找好友伍詠薇劈酒解千愁。
不過本刊收到消息，原來傑仔今年初曾三度驗身，但報告結果卻令他大受打擊，情緒低落。自此他便戒絕夜蒲，隱蔽家中，偶爾找好友伍詠薇劈酒傾心事，誰知卻遇上醉駕車禍。傑仔為免身體狀況外洩，明明手部受傷，仍堅拒送院驗傷。
據知傑仔今年初到泰國旅行期間，順道到當地著名的康民醫院做身體檢查，卻得到壞消息。知情人士透露：「傑仔睇到驗身報告之後呆咗，返港後成日滿臉愁容。佢都係諗咗好耐，先敢同少數朋友講呢件事。 2月初朋友提議佢去養和 check多次，話晒嗰度私隱度高又信得過。點知結果出嚟都係一樣。佢好激動，仲質疑醫生係咪調錯報告。 2月尾，佢再去養和驗多一次，結果依然冇變，佢先無奈接受呢個現實。」
出事前一晚，傑仔在好友伍詠薇家中飲酒談天，兩人還拍下咀面相。估不到，傑仔回家途中出意外。
周日（ 5月 1日）早上，蔡一傑駕駛 229萬的賓利跑車，於沙宣道撞車失事。
警員夾上車
涉醉駕被捕的傑仔，由兩位警員陪同下，車輪轉往港島四間警署落口供，而其右手明顯有傷痕，但他拒絕驗傷。
2月中傑仔正開始錄影《華麗明星賽》，當時他已得知驗身結果，因此錄影時已顯得悶悶不樂。據一幕後人員表示：「以前傑仔好 social，不過錄影《華麗明星賽》時，佢好似變咗另一個人。綵排或未 roll機時，佢多數行開一邊，好似好多嘢諗，個樣又好攰咁，成日冇乜心機，直到 on show先生猛番，同監製度下橋。相比之下，阿智同蘇老闆就好 social，同班 star ladies都好好傾。」
除了錄影冇心機，傑仔近來更戒絕夜蒲，經常匿埋家中，有苦自己知。知情者說：「佢 6年前同過一個警界人士拍拖，分手後都冇固定伴侶。 07年佢開始同張耀揚來往，都經常搵埋班圈外朋友落酒吧消遣。佢不嬲都係 party鐵腳，逢 call必到，不過近排次次都話自己要開工，已經好少出嚟，我哋都覺得佢呢輪心情麻麻。」慶幸人緣好的他，亦有一班知心友如張智霖夫婦、伍詠薇、陳敏之及哥哥蔡一智關心，不時約他食飯談心事。
撞車後翌日，傑仔如常往電視城錄影《華麗明星賽》。 On show時，傑仔強裝情緒高漲，在嘉賓面前扭 pat pat贈興。
但一停機，傑仔即愁容滿臉，心事重重。
好友唔知驗身
周日（1日）晚，他到伍詠薇家晚膳，當時張智霖夫婦亦在場，晚膳後張智霖和靚靚先行離去，傑仔則留下與伍詠薇劈酒談心，分享了不少心底話，可惜之後卻發生醉駕事件。當時他的賓利跑車損毀嚴重，手部明顯受傷。但傑仔竟無視傷勢，拒絕到醫院驗傷。
醉駕後翌日（2日）下午，大批傳媒在傑仔家中等候，蔡一智老婆即駕車送他返電視城錄影《華麗明星賽》。當日他走後門入廠，全程避開記者，更吩咐外事部同事代他拒絕訪問。雖然他在鏡頭前表現生猛，多次取笑阿智及金剛的發音。但鏡頭後，即表現得憂心忡忡，頻頻匿埋一邊補妝、休息，甚少與台前幕後交流。直到錄影完畢，他和即將生日的蘇老闆切蛋糕慶祝後，即火速閃入秘道上車返家，對記者的提問全部拒答，相當避忌。
本周三（4日）本刊致電傑仔密友張耀揚，對於傑仔曾往醫院驗身，他驚訝地表示：「你唔講，我真係唔知，但我都唔會去問佢。」至於在車禍後有否致電安慰傑仔，他淡淡然說：「我有搵過佢，但佢冇覆我，遲啲有時間我會搵佢食飯傾吓近況。」
至於傑仔好友伍詠薇亦說不知道對方曾驗身及不開心，問她車禍後有否再聯絡傑仔，她即斬釘截鐵說：「我同傑仔講過乜，都係私人嘢，唔會回應啦！」對傑仔非常保護。
cool賀蘇老闆
完騷後，台前幕後為蘇志威賀壽。眾人「四萬咁口」影合照，傑仔卻笑容欠奉。
蔡一智同老婆揸寶馬送傑仔回家，落車時亦有 2位助手護航。
明星愛到曼谷康民驗身
位於曼谷市的康民醫院（ Bumrungrad International），是泰國第二大上市醫療集團，前行政會議成員陳智思是股東之一，有傳集團擬於今年進駐香港，開設提供體檢的健康中心。
由於該院收費相宜，一般身健檢查約港幣千多元起到萬元不等，已包括肺部 X光、乳房造型及骨質密度檢查等，亦提供變性手術，是較全面的醫院。加上該院環境舒適，樓高 12層，設備完善，似酒店多過醫院，故此不少明星名人專程到上址檢查身體，順度旅遊。
06年2月，陳冠希父親陳澤民被拍得偕內地猛男謝宇風到上址進行前列腺檢查；
&05年蘇施黃便在康民驗出乳癌，事後她公開大讚：「做完檢查一小時就有報告，飲完杯咖啡就搞掂，醫護人員又專業，依家我每年都會返去身體檢查。」
近 4年，傑仔負面新聞多多，非常黑仔。
04/11 基魔傳聞
電視台爆出基魔，專向男藝人抽水，不時借教戲、傾健身或做節目，向目標男藝人上下其手，令人防不勝防。對於成為可疑人物，傑仔表示：「我唔係電視藝人，所以唔關我事！」
03/11 愛滋疑雲
有周刊以「 Y男星證實患愛滋，娛樂圈爆恐慌」為題，直指有歌影視三棲男藝人患上愛滋，令不少藝人震驚不已。當時傑仔亦被拖落水，慘成嫌疑人物之一。
03/11 抽伊健水
被指在錄影《華麗明星賽》期間，喜與男藝人攬攬。有集請來鄭伊健做嘉賓，傑仔指他的衣着不夠華麗，還用手捽其胸肌，被蔡一智取笑他性騷擾嘉賓。
08/10 與男同居
多次被拍得與密友張耀揚同枱食飯及做 gym，事後雙方表示大家是好朋友，亦曾試過互訪對方屋企。其後，更傳出兩人同居，不過傑仔被問及此傳聞時，即大叫黐線。
04/08 生日偷桃
傑仔在中環開生日派對，同場還有不少猛男坐鎮。有周刊更指他摸其中一猛男大髀，狀甚興奮。
01/08 醉擒唯唯
被拍得在蔡一智的生日派對上，醉攬演員梁烈唯，報道指對方未敢反抗。梁受訪時還表示傑仔是個非常熱情的人。
張耀揚曾與傑仔過從甚密，但隨住張公開有女友，兩人關係日漸疏遠。
撰文：娛樂組
攝影：攝影組
部分圖片：《蘋果日報》、《壹本便利》
21:59:09 被【
网易论坛，天天相伴
歌在唱舞在跳 長夜漫漫不覺曉 將快樂尋找
积分: 25646
发帖: 11373 篇
在线时长: 1201 小时
[忽然一週 第823期]娛一叮 撻着《阿sir》拍檔 24歲樂瞳玩姊弟戀
18歲嫩男 Brian 邊行邊笑
飯後， Brian換了格仔恤衫，與樂瞳邊行邊傾，默契十足，笑容一致。而楊潮凱則離隊先行，剩下的黃得生識趣保持距離。
出街兩星期的電視劇《點解阿 sir係阿 sir》，主角陳豪、楊怡都要靠邊站，皆因 24歲的樂瞳憑飾演反叛援交女學生而爆出，成為高登宅男女神 No.1，一躍成為 tvb blog人氣第一位。
人氣急升，桃花亦殺埋身。自稱單身的樂瞳，早前被指與 22歲的劇中拍檔黃得生拍拖，原來這只是煙幕。她的真命天子是在劇中飾演莫澤基、 18歲的朱敏瀚（ Brian）。本刊兩度拍得兩人行街食飯，態度親密。早前樂瞳接受訪問，直言想試姊弟戀，估唔到咁快坐言起行！
樂瞳 07年憑《美女廚房》被當時監製錢國偉睇中，簽約成為 TVB親生女，間中在劇集中飾演閒角，星運平平。 09年被 DJ Tommy睇中，簽約陳冠希旗下的 CMD做歌手，出了 2隻碟，同年便橫掃叱咤、新城及勁歌新人獎，氣勢一時無兩，可惜之後無以為繼。
5月 1日 無懼 4人行
周日，樂瞳與 Brian（右二）錄完《東張西望》後行街。雖然同行有黃得生（左一）和楊潮凱（右一）做電燈膽，不過 Brian與樂瞳都不避嫌黐住行。
之後四人喺銅鑼灣鬧市等位食飯，引嚟唔少妹妹仔眼望望，證明確有人氣！
樂瞳天生細細粒，而且長相可愛，雖然唔係行性感路線，但飾演壞學生依然吸引大班宅男擁戴。
去年樂瞳被《阿 sir》監製劉家豪睇中做學生妹鍾嘉寶，拍住三男做壞學生及援交妹，終日蝦蝦霸霸，卻引來一班宅男垂青，封她高登女神，一鋪彈起。
樣子甜美嘅樂瞳雖然只有 5呎 2吋高，不過宅男就鍾意佢細細粒，連劇中飾演 K4成員的三位男拍檔亦甚為嗒糖。一名劇組人員透露：「樂瞳同 K4三個男仔最多戲，佢哋四個成日圍埋一齊，感情好好。阿 Moon（羅鈞滿）成日教樂瞳做戲， Brian（朱敏瀚）同 Dickson（黃得生）就最鍾意同樂瞳傾偈。不過最細嘅 Brian就最細心，成日幫佢買嘢食，知樂瞳怕黑，又會陪佢去廁所，走又一齊走，之後成日出雙入對，明眼人都知佢哋拍拖！」其實早前樂瞳接受訪問時已暗露玄機，「我未試過同細過我嘅人拍拖，試吓姊弟戀都唔錯。」
男方唔敢主動，反而樂瞳就當街當巷搭 Brian膊頭，班宅男睇到一定嬲爆！
食飽行夠，黃得生、 Brian和樂瞳齊齊坐地鐵返歸，不過黃得生坐咗 2個站就先行落車，冇做電燈膽嘞。
送女友返家
Brian繼續陪樂瞳坐地鐵，送女友返東涌屋企，非常有風度！
樂瞳近日人氣急升，經常出席活動搵銀，不過二人仍然會爭取時間見面。周日（ 1日）樂瞳和《阿 sir》演員在 TVB錄演《東張西望》後，即孖住去銅鑼灣行街食飯。雖然同行有黃得生和楊潮凱做電燈膽，不過樂瞳和 Brian經常一邊細聲講大聲笑，兩男亦相當識做保持距離，讓樂瞳和 Brian享受二人世界，最後 Brian更陪樂瞳搭地鐵，送女友返歸。
上月 26日樂瞳又跟 Brian和黃得生三人行九龍灣，其間 Brian不時向樂瞳獻殷勤，幫手推喼；到快餐廳醫肚又幫女友送餐，飯後更打發黃得生，同女友坐地鐵繼續拍拖。
本周三（ 5日），記者致電樂瞳求證姊弟戀一事，她即大耍太極：「其實佢哋幾個男仔都好有風度，好照顧我。呢排因為有宣傳，我哋可以約埋見吓，今次拍呢套劇識到佢哋，我會好好珍惜！至於 Brian（甜笑），佢人品好好，都幾靚仔，仲好細心，係好朋友！（會唔會考慮同佢拍拖？）唔……所有人都會考慮，佢都會嘅！」對戀情非常保護！
4月 26日 溫馨遞電話
呢日樂瞳約 Brian拍拖，仲搵埋黃得生（左）做掩護，齊齊去九龍灣睇衫。慳家妹樂瞳冇嘢睇啱，兩男就不時俾吓意見。
行到攰坐低食嘢， Brian刻意黐埋樂瞳身邊坐，仲拎住電話俾樂瞳傾，非常溫馨。
之後兩人賣甩黃得生選擇坐地鐵，繼續拍拖。
朱敏瀚（ Brian）曾經參與《洪武三十二》、《女拳》和《魚躍在花見》，不過一直唔起眼，直到飾演《阿 Sir》嘅壞學生莫澤基至彈出！《蘋果日報》圖片
高登仔瘋狂
撰文：蘇詠詩
攝影：葉兆康、娛樂組
22:10:29 被【
网易论坛，天天相伴
歌在唱舞在跳 長夜漫漫不覺曉 將快樂尋找
积分: 25647
发帖: 11373 篇
在线时长: 1201 小时
[忽然一週 第823期]媽咪姐手帳 阿佘與中佬新歡秘密撐枱腳
喺 ICC嘅 101樓龍璽撐完枱腳，冷不防俾媽咪姐撞破，原本黐埋行嘅佢哋即刻彈開。
35歲嘅佘詩曼，雖然已屆中女，但一樣唔愁冇人吼。近日就盛傳有唔少國產富二代力追，早排仲彈出咗個只得 24歲嘅陳姓有錢仔嗒佢糖，可惜花 o靚冇本心，轉頭就俾上圍 36D嘅蔡慧敏啜走。
雖然冇咗個桔，不過阿佘一樣大把市場。周三晚(4日)，阿佘新歡新鮮滾熱辣登場。媽咪姐呢晚八點幾，就見到阿佘同一個年約四十歲，有啲國產 feel嘅男人，喺啱啱開業冇耐嘅西九龍環球貿易廣場(ICC)101樓「龍璽」撐枱腳，對住維港夜景浪漫談心足足兩粒鐘。到十點走嗰陣，媽咪姐諗住行埋去恭喜阿佘，佢同個男伴即刻尷尬彈開，同時有幾個保安攔住唔俾影，呢個時候兩位主角仲趁亂分頭搭的士走人。喂喂！食飯好正常啫，驚青成咁，阿佘有啲此地無銀喎！
阿佘呢位新歡其貌不揚，陸軍裝髮型加埋件同胞至愛品牌 Louis Vuitton外套，原來阿佘品味幾獨特。
俾人發現後，阿佘扮鎮定，仲擺出一副含春樣。
最後兩人各自搭的士走，其中阿佘新歡就俾位 TB朋友接走咗。
21:31:47 被【
网易论坛，天天相伴
歌在唱舞在跳 長夜漫漫不覺曉 將快樂尋找
积分: 25648
发帖: 11373 篇
在线时长: 1201 小时
[忽然一週 第823期]媽咪姐手帳 陳浩民唔見手機 阿佘嬲到震
邊個爆大鑊邊個死！（設計對白）
唉，又有藝人唔見咗部手機啦！邊個？咪陳浩民囉。周一（ 2日），佢突然喺自己微博度好高調咁宣布話自己唔見咗部手機，仲寫上警告語句，「希望檢到的人好好善待裏面資料，只供獨享，若共享必死無疑。」
出到恐嚇呢招，就梗係因為手機入面有好多個人私隱啦。媽咪姐收到風，話其中有唔少仲係佢同前女友佘詩曼嘅親密合照。佢哋雖然分開咗咁耐，但浩民一直冇刪除！所以佢一唔見咗手機，第一時間就聯絡阿佘，叫佢有心理準備。阿佘一知道即刻嬲到震，仲喪鬧陳浩民，話有乜嘢發生一定唔會原諒佢！
但係鬧都冇用 o架，衰在又冇人打電話俾陳浩民話執到手機想攞錢噃，等咗幾日都冇料到，佢惟有喺自己微博度警告執到嘅人囉！
若果真係有人爆大鑊，第一個你死！（設計對白）《蘋果日報》圖片
陳浩民喺微博留下警告，指如果有人公開電話資料，必死無疑，態度強硬。
21:34:18 被【
网易论坛，天天相伴
歌在唱舞在跳 長夜漫漫不覺曉 將快樂尋找
积分: 25649
发帖: 11373 篇
在线时长: 1201 小时
[忽然一週 第823期]媽咪姐手帳 吳卓羲爆缸都要靚
之後要喺塊面度搽血漿，佢亦要親自出手，怕化妝師太重手喎！
無綫今年重頭劇《法證先鋒 3》近排趕工，自稱喺劇入面，所有動作場面都吓吓打真軍嘅吳卓羲，前幾日就同徐子珊拍場炒車戲。話晒有爆破場面，嗰晚成村人聚集喺西貢大網仔，工作人員個個嚴陣以待，相反兩位主角就喺度歎慢版。
一直鏡不離手嘅吳卓羲，得閒就鍾意攞塊鏡出嚟照兩嘢。化血漿嗰陣，吳公子又唔肯假手於人，自己拎住塊鏡逐點逐點慢慢點上去，仲同化妝師講：「塊面唔使搽咁多啦！」慌死帥樣扣分。
至於拍檔徐子珊呢，一樣咁滋陰，明明冇落雨，都要助手擔定把遮以防萬一。到炒車之後，原本貼咗膠布嘅子珊，為防纖纖雙手受傷，佢又好仔細咁搵面前玻璃碎，然後逐粒逐粒執走先肯爬出嚟。經兩位大帝搞一搞，大隊凌晨四點先收工，媽咪姐亦終於可以搵周公囉！
雖然係拍炒車戲，但吳卓羲同徐子珊依然有講有笑，的確膽識過人。
臨 roll機前，吳卓羲仲要用倒後鏡照吓自己個靚樣，姿整過徐子珊。
等埋位時，徐子珊要助手幫手擔遮。其實當時又冇雨，到底遮乜呢？
劇情要徐子珊炒車後爬出車外，地下鋪咗啲假玻璃碎，但徐仍好小心咁將喺佢身前嘅玻璃碎執走。喂，天光喇！
20:59:18 被【
网易论坛，天天相伴
歌在唱舞在跳 長夜漫漫不覺曉 將快樂尋找
积分: 25650
发帖: 11373 篇
在线时长: 1201 小时
[忽然一週 第823期]媽咪姐手帳 蕭正楠愛得太遲
蕭正楠猛呻冇份拍《心戰》，同陳茵媺愛得太遲，仲 chok個深情款樣出嚟，陳茵媺睇到眼都唔眨。
上期《忽然1周》獨家爆料，蕭正楠同陳豪拗手瓜，力追陳茵媺。事情曝光，蕭正楠周一（ 2日）趁《法證先鋒 III》拍片頭時，當住陳茵媺面前向記者承認追求失敗。不過蕭正楠好大方，依然猛讚陳茵媺係好難得嘅女仔，亦讚情敵陳豪好人。至於自己點解會輸？佢話：「我起步遲囉，點解我冇份拍《心戰》（雙陳係拍《心戰》撻着）呢？」
嗱，大大方方咪好囉，相對嚟講，廖碧兒咪小家囉。
拍片頭時，工作人員安排陳茵媺、蕭正楠一左一右企埋一齊。
21:03:38 被【
网易论坛，天天相伴
歌在唱舞在跳 長夜漫漫不覺曉 將快樂尋找
积分: 25651
发帖: 11373 篇
在线时长: 1201 小时
[忽然一週 第823期]媽咪姐手帳 馬仔家英送別蓋鳴暉契爺
蓋鳴暉一講起契爺生前種種，立即眼泛淚光。
蓋鳴暉嘅契爺、鳴芝聲劇團團長劉金耀早前因癌病逝世，上周三（ 4月 27日）設靈。他一手栽培蓋鳴暉成為粵劇名伶，蓋鳴暉向來叫佢做爸爸，情同父女。喺靈堂蓋鳴暉含淚哽咽話：「無爸爸就無我！佢臨走時，話年紀大始終都會有一次，所以唔畀我喊。」
由於劉金耀喺粵劇界甚具地位，民政事務局局長曾德成同梅雪詩等有送花圈致意，而羅家英、蓋鳴暉嘅好友馬浚偉和 TVB高層曾勵珍更親自到來致祭，安慰蓋鳴暉。
身為粵劇界大老倌，家英哥一早就到場。
曾勵珍、馬浚偉同蓋鳴暉私交甚篤，兩人特前往致祭。
08年，劉金耀（右一）率領鳴芝聲喺紐約演出，民政事務局局長曾德成（左二）喺香港駐紐約經濟貿易辦事處處長陳美嘉（右二）陪同下，頒送錦旗予蓋鳴暉（左一）及吳美英（左三）。
兩人遇上昔日 TVB化妝大師陳文輝（左一），寒暄一輪。
22:16:40 被【
网易论坛，天天相伴
歌在唱舞在跳 長夜漫漫不覺曉 將快樂尋找
积分: 25652
发帖: 11373 篇
在线时长: 1201 小时
[忽然一週 第823期]媽咪姐手帳 姚嘉妮出囡術
無綫為宣傳明珠台外購劇《 F檔案》，特別隆重其事咁拉得林保怡、莊思敏、莊思明姊妹幫手造勢，本來噱頭唔錯，點知中途殺出姚嘉妮一家三口，風頭蓋盡。
搶鏡呢樣嘢其實好有學問，今次就由姚嘉妮示範出囡術。
上周六（ 4月 30日）， TVB係銅鑼灣為外購劇集《 F檔案》做宣傳，搵咗已經離開咗 TVB嘅林保怡出嚟幫手，人氣夠高啦啩。點知中途，姚嘉妮抱住囡囡同老公林祖輝經過，仲好開心咁同 TVB班同事打招呼，咁樣就將傳媒焦點吸引過去，成功搶鏡。可憐其他有份嘅藝人，好似莊思敏、莊思明、周志文同周志康，立即淪為大茄無人理，認真慘情！
路過嘅姚嘉妮唔知有心定無意，正當林保怡喺台上 sell得聲嘶力竭之際，佢一聲「 hi」立即將在場記者視線轉移晒去佢度。
在場記者更將姚嘉妮一家圍住又影相又訪問，台上嘅頓由主角淪為配角，真係淒涼。
21:06:43 被【
网易论坛，天天相伴
歌在唱舞在跳 長夜漫漫不覺曉 將快樂尋找
积分: 25653
发帖: 11373 篇
在线时长: 1201 小时
[忽然一週 第823期]媽咪姐手帳 馬賽表面賣乖
孭住大袋、挽住細袋，再加多部 notebook嘅馬賽，行色匆匆咁趕返學。
08年港姐季軍馬賽，卸任以嚟，一直喺浸大半工讀傳理系。日前，媽咪姐就喺大學撞到佢。當日佢好低調，全程戴 cap帽頭耷耷兼不施脂粉，唔望多幾眼都認唔到佢。而且來去都只係幾位女同學傍住。睇嚟好乖咁，誰不知轉頭俾雜誌踢爆，原來佢舊年年中已同吳卓羲撻着咗，吳更成為佢「入幕之賓」?。原來馬賽只係表面賣乖咋。
之後同幾個女同學邊行邊傾趕入課室上堂。
午飯時間，馬賽嘅飯腳依然得幾個女同學。
21:43:53 被【
网易论坛，天天相伴
歌在唱舞在跳 長夜漫漫不覺曉 將快樂尋找
积分: 25654
发帖: 11373 篇
在线时长: 1201 小时
[忽然一週 第823期]揞名爆 「嘈頭」?撈?着火
插圖： Wendy
相信大家都有聽聞啲女藝人為求博取演出機會，會同導演傾劇本傾到上牀。嗱，最近喺祖國又發生一單嘞，女主角仲係啱啱憑《甜海大地冧》打入國際市場嘅「嘈頭」?。
話說國內一名大導演「長侍」早前籌備拍一套大製作，開始搵演員。「嘈頭」一收到風，就主動毛遂自薦約「長侍」，而約會地點仲係喺酒店?。
「長侍」行走江湖咁多年，點會唔知「嘈頭」想點吖？有女送上門，梗係食得唔好嘥啦！
點知消息竟然傳到去「長侍」老婆耳中。於是乎「長侍」老婆帶埋成班踢竇團去酒店踢竇。好在「嘈頭」命大，佢同「長侍」啱啱入房，仲未熱身，「長侍」老婆已殺到，兩人衣着仲整整齊齊。冇俾人捉姦在牀，「嘈頭」都算執番身彩囉。
22:18:40 被【
网易论坛，天天相伴
歌在唱舞在跳 長夜漫漫不覺曉 將快樂尋找
积分: 25655
发帖: 11373 篇
在线时长: 1201 小时
[忽然一週 第823期]揞名爆 「壽哥」升呢軟硬天師
插圖： Wendy
媽咪姐有個姊妹喺某間高檔酒店做執房，嗰間酒店，暗地裏其實附有其他服務提供，所以演藝界中一班「色途老馬」都鍾意上去搵食。好似近排俾前度搞到冇啖好食嘅「壽哥」就係其中一個嘞。咁講，媽咪姐相信好多人都抱住懷疑態度。冇錯，雖然佢依家口口聲聲都話好錫老婆，事實上都會時不時出去搵啲新鮮嘢食吓 o架。
據姊妹講，「壽哥」係呢間酒店熟客，每次都係借揼骨為名，實則係去歎另類服務。雖然佢係熟客，不過聽嗰度啲「女」講，佢哋其實唔鍾意服侍「壽哥」 o架。點解呢？一來嫌佢孤寒貼士少，二來唔知係唔係佢人到中年，生理功能都弱埋，「按摸師」幫佢做另類服務時，好多時搞足半粒鐘都唔掂，所以依家酒店啲人背後都封佢為「軟硬天師」呀。
哈，真係睇唔出「壽哥」外表大大隻，原來係「外強中乾」。
22:20:01 被【
网易论坛，天天相伴
歌在唱舞在跳 長夜漫漫不覺曉 將快樂尋找
积分: 25656
发帖: 11373 篇
在线时长: 1201 小时
[忽然一週 第823期]揞名爆 千金「熊貓」怪招減肥
插圖： Wendy
大部分女性一講到減肥，十之八九都會失晒常性咁，乜鬼奇招怪式都敢試，而且仲樂此不疲?。媽咪姐就聽一個喺減肥中心做嘅老友講，話千金小姐「熊貓」就係食排油丸減肥 o架。不過佢太急功近利，搞到一鑊泡不特止，仲幾乎出醜?。
老友話「熊貓」有次要返米旗國讀書，唔使講佢梗係坐頭等啦，但佢臨上飛機前都仲要啪幾粒丸，嗱，大家咪誤會，係排油丸啫，但咁都出事。只見佢成程飛機不停出入廁所，結果搞到機艙瀰漫臭氣，最慘仲要啲空姐幫佢執手尾。
嘩，唔怪得近排見到「熊貓」，成塊面都凹晒啦，原來係夾硬屙成咁嘅。不過講起嚟，都有聽聞佢個鍾意追星嘅哎吔家姐「一大嚿」都係有個怪癖：就係每次坐飛機，一到開餐時間，都只係例牌「聞」吓之後，就叫空姐原盤收走。
唉，為咗減肥，見到龍肉都唔敢食，咁辛苦嘅嘢，連自問好忍得嘅媽咪姐都做唔到嘞。
22:21:55 被【
网易论坛，天天相伴
歌在唱舞在跳 長夜漫漫不覺曉 將快樂尋找
积分: 25657
发帖: 11373 篇
在线时长: 1201 小时
[忽然一週 第823期]句句金 句句金
陳茵媺早前盛讚緋聞男友陳豪係好男人。有人問廖碧兒意見，點知佢不置可否，避重就輕答咗句：佢係一個好鍾意咖啡嘅男人。大方啲讚前度係好男人，某程度上即係為自己面上貼金啫，正所謂再見亦是朋友，唔使咁小器嘅！
《關雲長》票房報捷，但甄子丹遭批評身高與真實人物不符。佢就死撐觀眾需要嘅係好電影，唔係斟酌關羽身高。形神俱備先可以事半功倍，增加觀眾投入感。佢咁講，即係姚明都可以做武大郎，八両金都做得西門慶啦。
周秀娜早前被師妹 Jeana暗寸過氣，日前佢出席活動時表示唔搞是非，不過就半開玩笑爆咗句：人人都想我死！咁又唔好咁講，班毒男、宅男點捨得佢死。「冇波冇浪」嘅生活，叫佢哋點過？
容祖兒早前喺倫敦做完騷，日前出席活動自爆大頭蝦，經常漏東漏西，如果我個頭唔係黐住條頸，隨時唔見咗。唔見咗唔緊要，到時佢咪可以搵個靚啲嘅頭安番上去囉。
張栢芝買豪宅，樂基兒自言無心仿效，得閒只會買下股票，並強調老公黎明比佢更有投資眼光，佢好多嘢都叻過我。除咗擦鞋呢樣囉。佢把口咁甜，黎明成屋都應該係高帽。
&小 S喺微博承認歪鼻，家姐大 S即時贈興，唔理佢歪鼻定直鼻，能挖出屎來的就是好鼻。嘩，講嘢咁核突，難怪奶奶張蘭當初嫌棄佢啦。
22:25:16 被【
网易论坛，天天相伴
歌在唱舞在跳 長夜漫漫不覺曉 將快樂尋找
积分: 25658
发帖: 11373 篇
在线时长: 1201 小时
[忽然一週 第823期]倒模媽咪 兩代餅印情 王祖藍寫歌頌親恩
所謂天生明星相，唔少藝人同媽咪似到十足，所以唔少星媽亦是五官標致的靚女，就算歲月催人，一樣風韻猶存。好似倒模一樣嘅張智霖母子及楊千嬅母女，不過，講到最經典的，當然是王祖藍母子，不妨趁住 5月 8日母親節，同大家數一數娛圈兩代餅印。
王祖藍之前扮女人扮到出神入化，人氣急升，家人隨即被起底，被發現原來佢阿媽同細妹根本就係「女版王祖藍」，三個人的大鼻厚嘴唇完全倒模出來，其實早在 08年，祖藍推出首張大碟時，曾親自填詞「餅印」歌頌母親。
高海寧上圍似阿媽
新晉咪神高海寧表示豐滿上圍多得媽咪真傳，其實高 ling甜美樣貌都與媽咪如同 copy一樣。
楊千嬅媽咪奶奶齊慶祝
楊千嬅一家極其低調，不過每逢開演唱會，阿媽定必捧場，而無論化妝定素顏嘅千嬅同阿媽，都極有母女相，千嬅話：「以前大時大節我都好少慶祝，自從結咗婚之後，老公好細心，所有節日佢都會記得晒，會幫我同家人做中間人，一早同我度定期，依家母親節除咗同媽咪慶祝，仲會同奶奶一齊慶祝。」
劉嘉玲阿媽皮膚靚
劉嘉玲皮膚再滑，除咗因為 SK-II幫補之外，原來遺傳自母親，其母肌膚緊緻，一啲都唔似六十餘歲。
張智霖電眼似媽咪
張智霖永遠長不大嘅孩子臉，完全遺傳自媽咪，尤其一對冧死人嘅眼，媽咪長居於澳洲，早前 Chilam喺紅館開騷，媽咪專登返嚟捧場， Chilam話：「由細到大，都俾人話似媽咪，尤其係對眼﹗」
蘇永康女友齊慶祝
蘇永康跟母親關係密切，行街食飯成日預埋阿媽，母親節當然唔例外。他常讚母親細心，每次他出埠工作都會為他準備好口罩、洗手液等防流感必備品，他說：「保持自己身體健康，就是送俾媽咪最好的禮物，母親節已計劃好與女友及媽咪一齊慶祝，熱鬧啲！」
鍾舒漫似足兩姊妹
鍾舒漫有個餅印細妹鍾舒淇，依家喺台灣做歌手，不過原來兩姐妹 DNA遺傳自母親，但其媽咪個樣勁後生，兩個似姊妹多過母女。
鄧麗欣買樓齊齊住
鄧麗欣大讚男友方力申孝順，佢亦係一個孝順女，一賺到錢買大屋，即接埋媽咪一齊住碧瑤灣，跟男友只是一街之隔，兩母女輪廓極其相似。
熊黛林笑容最相似
除了高度以外，熊黛林同居於南京嘅媽咪都五官好似，尤其笑容最相似。
曹敏莉孖住出記招
港姐冠軍曹敏莉即將為人母，而佢跟阿媽亦極有母女相，早前其母更陪伴腹大便便嘅曹敏莉出席活動。
鄭希怡日日都錫佢
鄭希怡祖籍上海，家人亦居於上海，早年， Yumiko在上海出碟時，鮮有見報的父母亦到場撐場， Yumiko似足母親，特別是白晢肌膚完全遺傳自母親， Yumiko表示：「屋企人唔係好興慶祝母親節，唔會特別慶祝，日日都要愛錫媽咪，唔係只係母親節。」
彭羚五官如倒模
退出歌壇多時的彭羚，婚後一直相夫教子，兩名女兒，極少曝光，早前彭羚同大女林泳，接送細女林清返學放學， 11歲嘅林泳，同媽咪只差半個頭，五官似足彭羚，而細女就似老竇林海峰。
汪詩詩三代母女裝
汪詩詩母親（中）打扮入時，外表青春，反而剛滿三十歲的汪詩詩就成熟過龍，二人走在一起似同輩多過母女，加埋女兒甄濟如 Jasmine甚懂得擺甫士，極有其母之風，似足模特兒出身嘅汪詩詩。
吳君如寸樣似到足
吳君如 06年以 40歲高齡誕下女兒陳是知，女兒越大越似君如，尤其是女兒表情多多，仲遺傳埋媽咪個寸樣?。
徐濠縈母女裝擺 pose
徐濠縈女兒陳康堤，好有母女相，加上阿徐悉心為女兒打扮，不時母女裝，令女兒經常潮童上身，除了樣貌相似，連甫士都一模一樣。
圈中唔少演員雖然沒有血緣關係，但卻離奇擁有母女相，仲似過親生阿媽。
陳松伶 VS楊愛瑾
松伶出道時被人話似葉蒨文，不過年過四張的松松姐姐與 Miki亦有 8分似。
盧宛茵 VS衛蘭
盧宛茵同衛蘭嘅五官似足九成，尤其大笑表情，更加似到十足。
程可為 VS陳開心
面闊眼圓圓的程可為，與陳勳奇愛女陳開心竟然餅印一樣，不過程可為年青時惜玉如金，多演賢妻良母，但陳開心卻愛作性感打扮，成個 wet妹。
撰文：娛樂組攝影：攝影組
22:40:17 被【
网易论坛，天天相伴
歌在唱舞在跳 長夜漫漫不覺曉 將快樂尋找
积分: 25659
发帖: 11373 篇
在线时长: 1201 小时
[忽然一週 第823期]我有say 筍盤再培訓 陳啟泰
看着眼前西裝骨骨的陳啟泰，不期然想起跟他同屬巨蟹座的朋友 C。
他們都慢熱、勤力又固執（看相中人樣子十年如一日，便知律己甚嚴。本人近距離看過，其小腹平坦如鏡。
四十六歲嘞！問你怕未？），類似的人不會多，但像便利店，梗有一個喺左近。
朋友C是被一眾女性朋友公認的宅男，除了拼命搏升，就是在家避靜。
由亞視轉投有線近兩年的陳啟泰都話：「基本上，我在家的時間比老婆還要多，因為她的教琴事業都幾忙。」
星座書說，巨蟹男都戀家，即是免得過都不會跟妳出外，遑論吃燭光晚餐，無浪漫有安心。一句講晒，做男友麻麻，嫁老公一流，俗稱「筍盤」，像陳豪！
「大約今年七月會出一張全新國語 EP，第一首主打歌〈 Baby〉剛剛在先鋒榜（由廣東省二十個電台合辦，國內權威，連陳奕迅和容祖兒都要每年山長水遠北上捧場）攞到冠軍，真係好開心！
因為唱歌一向係我最大興趣和理想。」
人到中年，還終生學習，北上發展賺「人仔」，包唔會餓死老婆瘟臭屋。附註是，其位處觀塘區的頂樓連天台「安樂窩」差不多供完，遺憾是，業主本人已「封盤」多年。
忽然有點想念，早買樓投資、一星期有三天在大陸搏殺的，單身朋友 C。
「肥晒」主持
「我覺得過多五年，可以再做《百萬富翁》，因為新一代未睇過，會有新鮮感。而其他人又有集體回憶，可以懷舊。」
陳啟泰甫進入本集團影樓，櫈還沒坐暖，便一輪嘴告訴我，他有多愛唱歌，這次碟中的歌都是其珍藏， R&B、小調和 Disco歌齊備，明言不會「 dum症」。
但，怎麼辦呢？我看到他，就像千千萬萬的香港人一樣，腦海會自動回帶，出現《百萬富翁》的畫面，好想他問我問題。然後，梗係攞錢！就算收「保險線」八千蚊都好，只要不用我先俾錢，再對住電視機「撳錢」。
「呢個訪問出街的時候，就十年嘞！《百萬富翁》係○一年五月七號出街，好記得，一定記得！ So far，這是事業上最大的一樣嘢，帶俾我名同利！那個高潮對我來說，並無遺憾。」
至今難忘陳啟泰面無表情迫人講「最後答案」，覺得他心中有數，但拒絕「放水」。「係《百萬富翁》呃咗你！我到依家都強調自己唔係一個好有學識的主持，一向唔鍾意讀書。中學時，最好的科目是音樂科。記得 F.3升 F.4，主要的科目都『肥晒』！但那一年考入 choir（合唱團），而讀聖保羅男女校，加入 choir是可以令你升班的，因為他們經常攞獎。不過，我無升，跟屋企人移民加拿大，後來讀大學都好差，叫做畢到業咋！
「所以，唱歌一向俾到我最大成就感，依家在微博見到有 fans說：『以前只知你做主持，最近先知你唱歌原來都幾好聽喎！』滿足感真係返晒嚟。」
我明。我真的明白。因為巨蟹男都需要得到別人認同，以取得安全感。朋友 C又何嘗不是經常進修，連唱 K也高度戒備，只會唱他苦練十年的十首飲歌（至少他認為是），我讚美兩句，他便像蟹般開心到橫行， so cute！
我係 sales
「如果我做主持有兩、三分，我覺得唱歌有十二分！今次好多人聽了〈 Baby〉後，也估不到是我唱。」我聽過，竟然覺得有陶喆 feel。
為唱歌，慣性理智的陳啟泰，可以慣性犧牲。「坦白講，我一向有儲蓄，用錢也不多，加上主持《百萬富翁》時積存下來的收入，已經不用為未來生活而憂愁。所以，如果有人俾十蚊我做主持，又有人俾六蚊我做音樂，一定揀做音樂啦！既然已經搞掂生活，就可以追求多點理想。
「新唱片公司老闆曬到黑黑哋，東莞生意人，三十零歲，睇過《百萬富翁》同《我和殭屍有個約會》，所以認得我，大家一拍即合。」強國就是強國，除了富二代，還有數不盡的青年實業家。錢，多的是，端看閣下有何能耐，得以背靠祖國。「記得簽約不久，跟老闆去吃飯，坐在他的 Benz內，我問：『老闆，你做甚麼生意的？』『我做 LED燈膽 o架！』『哦……』跟着，我就在三分鐘內，想到一個廣告 storyboard（分鏡圖），背景音樂是我的歌，又 sell到 LED燈膽，是講一個城市人和蘭州姑娘的愛情故事。他一聽，好鍾意，今個月中就拉隊去武夷山拍。
「其實，我都係一個 sales嚟 o架！但只限創作，你叫我 sell一件貨，就未必得嘞。」聽過千萬次了：機會只留給有準備的人，平日多用腦，就令甘願賺「六蚊」的陳啟泰，獲老闆投資數十萬幫他做碟，再奉送廣告和 MV。你說明星有着數？但朋友 C讀了兩個普通話課程，職位就順勢升兩級。
「不過，有一次聽到新城 DJ露芙講：『阿 Ken（陳啟泰洋名）呢幾年好似大半個身瞓了在大陸發展！』真係有少少心噏。其實，我無，亦都唔得。只是《百萬富翁》那時多點北上登台，現在每月也有兩、三次。直至現在也未慣返大陸，但做唱片，有需要時回去一天兩天就可以。我是不可以移民國內的人，大家的文化相差廿多年，他們等於香港的七十年代，真的會『放飛劍』、插隊，但自己看到也不會出聲。
「因為，你在別人地頭，就要尊重別人的文化。等於你在大陸，唔可以示威。着艾未未 T恤上廣州？你想死啫！同一道理，內地人來香港，應該遵守香港法律，我覺得好 fair（公平）。」有理由相信，陳啟泰注重「和諧」。而我，愛言論自由，但大概沒多少姊妹想做望夫石版的民主女神像吧。嫁老公，這種的確夠穩陣。
「 OK啦！我和老婆在好多事情上，都有共識。當然，結婚十幾年，不會再有頭一年拍拖的激情，現在是親人，細水長流。
除了養狗，還鑽研另類療法。「上網睇，再自我分析試驗，已經成功醫好兩、三隻瀕死的貓狗。（還飲尿嗎？）有，好間唔中，是補藥。但我會叫大家唔好隨便試，因為要配合好多嘢。」
「現在一星期要返四日有線，明天又飛去紐西蘭拍旅遊特輯。」陳最喜歡《四個轆．周圍 Look》這節目，與女主持張潔茵自駕遊世界。
「我們一直沒有細路仔，因為自己唔鍾意，太太不是特別鍾意，覺得很難教。就是父母教得好，也可能給其他人帶壞。其實，兩個人生活都唔悶 o架！我們有兩隻狗，養了很多年，某程度上也當了牠們是仔女。得閒擔張櫈上天台，幫兩隻狗沖涼、玩下水，已經好開心。
「我同老婆最夾的，是大家都比較草根，唔會想住乜璽物璽這些豪宅，因為自己唔會落 club house（會所），亦唔需要大堂有冷氣！而且，我唔想一上的士，就講：『唔該去凱旋門吖！』法國呀？我呢啲 old school人，真係頂唔順囉。」
甘於平淡，自然樂得優游。陳啟泰現在偶然才回國內登台，由於外形「呃得吓人，好似懶清高」，跟老闆說飲酒會暈，唱不到歌，便可減免應酬。但「飛來蜢」呢？西裝骨骨的陳啟泰，應該大有本錢「孔雀開屏」。
「有。一定有。有人送嘢，有人留電話。但我似我老竇，怕死！唔好亂嚟。因為所有嘢都 base on（建基於）家庭，我們做這行更加煩，會俾人大肆報道，所有嘢會無晒，好危險 o架！
「雖然，我細個唔覺得要結婚，但原來另一半想，那都 OK，無所謂。結了婚，就要尊重呢個制度，是一個 commitment（承諾）。」
少女情懷時，我們大概會為那句「無所謂」而嬲得一陣陣。但隨年月過去，方知承諾二字值千金。在金價還愈升愈有時，或許該約朋友 C出來喝一杯了。對，趁買定樓等結婚的他還未被遠比「港女」識貨的「北地胭脂」攻陷。
撰文：李綺雯
攝影：陳兆基
22:48:06 被【
网易论坛，天天相伴
歌在唱舞在跳 長夜漫漫不覺曉 將快樂尋找
积分: 25660
发帖: 11373 篇
在线时长: 1201 小时
[忽然一週 第823期]星宿啟示 放低自尊 金牛座
本周惜花人
金牛座 21.4-20.5
你知道怎樣做才能跟戀人關係變好，但礙於尊嚴及其他理由而沒有去做。雖然你倆最近的形勢未到水深火熱的地步，不改善也沒有即時危機，但一段感情不定期加入養分，就會像花朵慢慢凋謝，所以你應為珍惜眼前人而付出。財運穩定，理財宜採取靈活方式。重拾對運動的興趣對健康有幫助。
白羊座 21.3-20.4
某人的態度對你忽然轉差，初時感到無所適從及不可理喻，但細想發覺自己確有不足之處。善用自我改進的空間可修補轉差的人際關係。財運及事業運穩定。
雙子座 21.5-21.6
近期出現美麗的誤會。你沒有做的好事，別人以為是你做的；你沒有的優點，別人以為你有。澄清比接受不屬於自己的讚美更令你心安。注意飲食衛生。
巨蟹座 22.6-22.7
工作上，遊戲規則的限制令你難以發揮真正的能力。這些不如意現象僅屬暫時性，耐心等待一段時間會有新突破。對個人興趣太沉迷會導致失預算，宜節制。
獅子座 23.7-22.8
許多瑣碎事要短期內解決，忙中有錯令你難以做到盡善盡美。把工作及財政問題放在首位會令方向感更清晰。健康上，遇小毛病時勿依賴治標性藥物。
處女座 23.8-22.9
許多親人及友人都很關心你的近況，但你需要的是休息及獨處，而不是熱鬧及應酬，所以你只需簡單回應及致謝便可。保持健康狀態令你更容易處理問題。
天平座 23.9-22.10
你習慣順從別人會助長對方對你得寸進尺。為減少自身壓力，先收起助人為快樂的姿態，盡量避免兼顧能力以外的事。財政上，預留開支令你更有安全感。
天蠍座 23.10-22.11
近期工作壓力大，情緒受影響下你會無意間對身邊的人不友善，宜調整心態。貴人運弱，今周凡事要靠自己。感情表面穩定，內藏暗湧，宜多了解伴侶。
人馬座 23.11-21.12
只差一點就成功的事，今周勿因小問題而放棄。各方面運程大致順利，只要目標清晰，許多事情最終遂意。抽空兼顧責任以內的家務，可減少家庭矛盾。
山羊座 22.12-19.1
工作位置重要了，責任就會大了。朋友多了，分配交往時間的壓力自然也增加。生活上就算有開心事，近期都會出現相應代價，今周處理得宜你會喜多於憂。
水瓶座 20.1-19.2
近期你受朋友引導接受了新的生活方式。是否適合自己需一段時間才能體驗得到，但勇於嘗試絕非壞事。財運暫時無憂，但注意節制。留意皮膚的保養問題。
雙魚座 20.2-20.3
各方面運程大致順利，但未至於不爭取也能擁有美好的事物。所以在事業、感情上，今周都要珍惜順利的運程，把握機會。健康上，避免進食煎炸食物。
网易论坛，天天相伴
歌在唱舞在跳 長夜漫漫不覺曉 將快樂尋找
积分: 25661
发帖: 11373 篇
在线时长: 1201 小时
[忽然一週 第823期]洛天紫微 鼠 勿拖泥帶水
鼠 勿拖泥帶水
你要一氣呵成做事，才會得到正面成果。伴侶給你很大鼓勵和助力。財運忌投資。有利日子 7、 11號。
本周自卑感容易蓋過自信心，建議先安排一周工作表，不急進、做好本份。不利日子 8、 12號。
虎 醒目做人
易好心做壞事，被人誤會好冤枉！上司挑剔小器，宜步步為營。財運可穩陣投資。不利日子 9、 11號。
兔 擺出強人姿態
防權力易被身邊人侵奪，或有人挑戰你的底線，要企硬！工作加倍辛勞。有利日子 6、 10號。
龍 防禍從口出
朋友同事給你很多麻煩，又惹是非，本周你要小心言論。出門贏讚賞及業績。有利日子 7、 11號。
蛇 艱苦戰鬥
阻滯、棘手事情特別多，凡事要靈活變通及做好兩手準備。出門易攰及有耗財剋應。不利日子 8、 10號。
馬 工作順利
自身運強，主動出擊會有利發展業務、人緣關係。留意心腹行事，防犯錯。有利日子 9、 11號。
羊 神不守舍
上司突然加重你的工作量或有新要求，令你吃不消及感到不安。財運不利。不利日子 6、 10號。
猴 能量爆燈
本周心情輕鬆、積極、有幹勁及活力，凡事親力親為有好處。猴女防大頭蝦。有利日子 7、 11號。
雞 防桃花劫
人緣、桃花旺，但男士防偏桃花。工作事倍工半，宜慢工出細貨。財運失預算。不利日子 8、 12號。
狗 上庭勝算大
有利處理法律、政府機關、訴訟、官司等事宜，亦利應徵、搬遷。防朋友同事搵着數。有利日子 7、 9號。
豬 工作忌急進
工作想快得慢，多勞小成及易生枝節變化，故應不慌不忙審慎行事。財運忌進取。不利日子 6、 10號。
16:06:00 被【
网易论坛，天天相伴
歌在唱舞在跳 長夜漫漫不覺曉 將快樂尋找
积分: 8985
发帖: 34941 篇
在线时长: 836 小时
[忽然一週 第823期]大封面 李琳琳患大腸癌 姜大偉撲水救妻
30/4陪妻鬆一鬆
李琳琳自患上大腸癌後，已甚少外出。上周六（ 4月 30日）由於天氣轉晴，姜大偉駕車陪太太李琳琳到中環鬆一鬆，雖然李琳琳精神不俗，但不時需繑着老公手臂借力。
上月中鄧光榮舉行喪禮時，跟他相交 30多年的姜大偉即連日幫忙打點，其妻李琳琳則由女婿曹永廉陪同到靈堂致祭。當時李琳琳一臉病容，惹來在場人士慰問。
原來李琳琳在去年年尾驗身時，證實患上大腸癌。愛妻心切的姜大偉即四出找尋名醫，最後請來腫瘤科權威張明智為主診醫生。可惜開刀做手術後，發現癌細胞已擴散至淋巴，現正進行化療。
由於已用了過百萬醫藥費，一向甚少返內地拍劇的姜大偉，不惜連接兩部大陸劇撲水 660萬救妻。近日他趁空檔，即陪老婆到九龍法國醫院接受化療，愛妻情切。
患癌後，李琳琳曾向友人表示：「最唔放心 15歲嘅細仔，又好想見到大女依蘭個 BB出世！」因此她積極抗癌，希望在老公家人支持下盡快康復！
63歲的姜大偉和 62歲的李琳琳結婚 37年，是圈中的模範夫婦。自從 08年姜大偉做第二次通波仔手術，兩夫婦明白健康的重要性，開始年年驗身。可惜去年年尾，李琳琳驗身時發現自己患上大腸癌。由於姜大偉的父親因患肝癌去世，所以他特別憂心。
牽掛 15歲細仔
「 John哥（姜大偉）同琳琳姐怕朋友擔心，一直好保密，做手術都冇話俾我哋知。農曆新年大家見面，佢提我哋要小心身體，之後先講自己有病，令我哋都好愕然。我哋班朋友又介紹中醫，又幫佢搵抗癌秘方，不過佢話 John哥已經搵咗好出名嘅腫瘤科名醫張明智俾佢，叫我哋唔使擔心。近期佢嘅癌細胞已擴散至淋巴，做緊化療去控制。由於佢好相信個醫生，所以冇再試其他方法。琳琳姐好樂觀，唯一牽掛係個細仔，個仔始終得 15歲。佢個大女（曹永廉老婆姜依蘭） 6月就生第二胎，琳琳姐好想見個孫出世，仲計劃幫個女搞坐月嘅嘢。」知情人士說。
雖然李琳琳早年買落一份醫療保險，但由於今次醫藥費甚巨，要自己墊支不少，加上細仔卓文才 15歲，家庭開支不少。為了幫補醫藥費，向來不想與家人分開的姜大偉，竟連續接了兩部大陸劇， 3月尾在內地拍完 20集民初劇《藏心術》， 6月又會再到橫店，與鍾漢良拍 35集的《天涯明月刀》。事關他在 TVB拍劇每集只有 4萬，但到內地則有 10萬一集，兩套劇加埋折合有 660萬港元收入，幫補不少。
姜大偉趁近月在港，即全天候陪伴李琳琳治療及休養。上月 21日，李琳琳在九龍法國醫院進行化療。當日 11時多，姜大偉便從何文田家，到九龍城的大婆牛肉麵買外賣，然後拎到醫院開餐，逗留至傍晚才離去。翌日（ 22日） 11時左右，他又再到醫院陪老婆，直到下午 6時才離去，至晚上再折返接她出院。
姜大偉與李琳琳在麥奀記嘆完雲吞麵後便回座駕，姜大偉找不到車匙。站在車旁的李琳琳沒有心急，反而開心地望着失魂老公，非常恩愛。
21/4醫院探妻
當日上午 11時多，姜大偉在何文田寓所外等的士。
他先到九龍城一間牛肉麵店買了些外賣。
到法國醫院
之後姜大偉步行至附近的九龍法國醫院。
拿着外賣的姜大偉，在等?期間被途人認出，但他依然氣定神閒，甚有大俠風範。
門外露端倪
姜大偉出?後，行到一間兩人病房便熟練地推門入內。當日房間只有李小姐一位病人，而主診醫生正是腫瘤權威張明智醫生。
李琳琳的主診醫生是臨床腫瘤科專科張明智，他從事腫瘤科已逾 20載。 04年他離開伊利沙伯醫院，在中環及旺角開設診所。他是城中低調名醫，以降低末期癌病病人的痛苦和增加存活率見稱。
他亦是音樂家，鋼琴及聲樂八級文憑，多次指揮香港大學及香港醫學會合唱團。去年他推出著作《變．驚．擁抱》，鼓勵大家用音樂治癌。另外，他的姊姊張明珠是王菀之媽媽的好友，與圈中人熟稔。去年，他有份到倫敦客串王菀之的音樂特輯。
患病易累天天臥牀
據悉，李琳琳現正接受為期半年的化療，一般癌症病人打完化療針，可以即日出院。但由於李琳琳體質較弱，醫生建議她每次都留院一晚接受觀察。她每 3星期到醫院打化療針及攞藥，每次拎 2星期藥，服完 2星期藥後，休息一星期，然後再重複以上療程。
姜大偉性格外向，喜歡跑步和打高爾夫球，但現在也甚少獨自出外，整天陪伴老婆。李琳琳向友人透露，患病後容易疲倦，她笑說：「我喺牀上睇電視，喺牀度上網玩數獨遊戲，唔係食飯同出街，我就唔起身。」
從前她不吃生果，反而可樂就一箱箱地買，她和 15歲的細仔卓文都是早晚各飲一罐。現在她才知這種飲食習慣，傷害了身體。但做化療期間，不宜吃中藥，尤其是她患大腸癌，姜大偉更要她吃得清淡。
22/4照顧細仔
老婆在醫院接受抗癌療程，姜大偉和細仔姜卓文中午到土瓜灣醫肚，兩仔爺有講有笑，感情非常好。
之後姜大偉獨自到醫院陪老婆，離開時見他雙手插袋，憂心忡忡。
探完愛妻，姜大偉直接乘的士回何文田住所。
26/4入廚冧老公
已出院 4天的李琳琳，雖然家有工人，但仍到廚房親自下廚。見老婆辛苦，身為大男人的姜大偉（箭嘴）也會到廚房幫手。
可能企得太耐，李琳琳間中會用雙手揉肚紓緩一下。
鄧光榮 4月 16日在香港殯儀館設靈，身為好友的姜大偉全力在場打點，而李琳琳雖身患重病仍與女婿曹永廉到場致祭，非常有心。
多謝老公貼身照顧
「琳琳姐話做化療之後，成日覺得口淡淡、口苦苦，但又冇乜胃口。佢最感恩係冇甩頭髮，但最慘係會身痕，令佢好煩躁，所以佢好多謝 John哥體諒同貼身照顧。」知情人再說。
事實上，為了?李琳琳開心，上月 30日，姜大偉特別陪她到中環麥奀記歎雲吞麵。但食完後二人又速速歸家，看來是怕她疲累之故，非常體貼。姜大偉與李琳琳結婚多年，二人十分恩愛，姜大偉婚後唯一的緋聞，是 94年回流拍無綫劇《再見亦是老婆》時，被傳與飾演其情婦的周嘉玲撻着。當時身在加國的李琳琳隨即回港?實老公，當時二人育有兩女，但她知姜大偉一向恨仔，所以在意外懷孕後，不惜以 47歲高齡，冒險為他誕下幼子卓文，令姜大偉十分感動。
李琳琳曾說：「我們就算相隔兩地，都會用電話、電郵、短訊同視象對話來溝通，見面又會整對方鍾意食嘅嘢，或者煲湯俾對方飲，嗰啲湯會特別香甜。」姜大偉亦自爆：「我哋結婚 30多年，每天都同太太通電話 1、 2次，到依家已經講咗過萬次電話喇。」非常甜蜜。
向來注重健康的姜大偉，為保險公司拍攝廣告，內容表示幾好的刀，都會有生鏽的一日，呼籲大家投保。
之後女婿曹永廉亦為同一客戶拍攝另一廣告片，表示及早買保險，為自己打算。
姜大偉出身於演藝世家，兄長為秦沛，而父親嚴化（姜克琪）及母親紅薇（羅珍）均為著名演員，後來母親改嫁製片人爾光，並誕下爾冬陞。姜大偉四歲已做童星，中學畢業後加入邵氏，被名導演張徹力捧，在電影《游俠兒》首度擔當男主角。 1970年他更憑《報仇》成為香港首位榮獲《亞洲影展》「最佳男主角」的演員，紅極一時。
而李琳琳在 60年代，被其京劇師父粉菊花推薦加入邵氏，亦曾是國泰訓練班的花旦。 70年代加入無綫已是女主角，演出多套經典劇集如《小李飛刀》、《楊門女將》等。同期李琳琳和姜大偉相戀，即共賦同居。 73年分手， 7個月後復合，隨即奉子成婚。巧合地，長女依蘭與曹永廉於 07年也是奉子成婚。
70年代二人拍拖，成為娛圈熱話，登上雜誌封面。
99年姜大偉和李琳琳結婚 25周年，在加國舉行派對慶祝，並補影婚紗相。
腸癌女性殺手
腸癌是香港女性第二號殺手，第 1位是乳癌，全港去年便有 4,600宗新症。據外科專科醫生朱建華表示，腸癌主要成因有兩個，包括基因變化同遺傳因素，而年齡越大，會提高了基因變化速度。其次，環境因素如患者多食紅肉、醃製肉、飲酒及食煙，亦大大增加患腸癌風險。
腸癌分四期，第一、二期主要靠做手術和食藥醫治，康復機會有 8至 9成。到第三期，淋巴核已受癌細胞侵襲，需配合化療醫治，而療程多數為期半年，只得一半康復機會。去到末期，癌細胞已擴散，有機會影響肺和肝，只可用化療延長壽命。
其實腸癌可以預防，減少食紅肉、不煙不酒， 50歲的人士宜每 5年做一次腸道檢查，私家醫生收費約 5千至 1萬不等。
姜大偉：年紀大梗有毛病
本周三（ 4日），本刊致電姜大偉關心及問候其愛妻患癌一事，但他不停強調冇事，記者當然明白其苦心。
記者：記 姜大偉：姜
記：聽講琳琳姐唔舒服，有人見佢出入九龍法國醫院喎？
姜：（語帶猶豫）唔……人年紀大梗有毛病 o架啦！
記：依家情況點呀？令關心佢嘅人擔心喎。
姜：之前佢身體有毛病，覺得唔妥，去做驗查啫。
記：佢現況點呀？
姜：佢好好，冇乜事，多謝關心。
記：聽講佢患大腸癌，仲擴散到淋巴？
姜：佢……佢做身體檢查啫。
記：會唔會擔心佢病情呀？
姜：冇事。有心！我有電話入，拜拜。
曹永廉：你問番 John哥
之後記者去電視城求證女婿曹永廉，但他同樣封嘴。
記者：記 曹永廉：曹
記：最近琳琳姐出入法國醫院？
曹：去驗身之嘛。
記：有傳佢患腸癌，仲擴散咗去淋巴？
曹：（口窒）冇冇……冇事，佢去驗身咋。
記： John哥好擔心佢，陪佢出入醫院。
曹：（忽然高音） um……唔係呀，佢平時都係去驗身之嘛！
記：佢係咪有啲唔舒服先去檢查？
曹：（語帶猶豫） um……實際情況我就唔清楚，你問番 John哥啦！我都…… um……以我所知都冇咩特別。
記：咁你呢期有無陪多啲琳琳姐呀？
曹：我哋個個禮拜都有見。
記：咁老婆有無煲湯水俾佢呀？
曹：佢有工人嘅！
自從李琳琳患病後，姜大偉、女兒及女婿曹永廉均經常鼓勵她保持樂觀，不時陪伴左右，而細仔姜卓文本打算今年 9月回加拿大升學，但現正考慮打消念頭，陪媽咪抗癌。有家人的支持，祝願琳琳姐早日戰勝癌魔！
曹永廉護外母：我哋個個禮拜見。（真實對白）
周三（ 4日），琳琳姐女婿曹永廉於電視城接受訪問，極力維護琳琳姐，對她的病況表示毫不知情。
大女將臨盆
琳琳姐患重病，大女姜依蘭則佗第二胎，預產期 6月， BB出世後，李琳琳必定老懷安慰。
姜大偉和劉璇主演的《女拳》播完不久，姜大偉遲些亦會幫 TVB拍《大太監》。
今年 3月，姜大偉返內地拍《藏心術》，據知每集酬勞有 10萬人仔。
對於李琳琳的病情，她的大伯秦沛、女婿曹永廉及一眾好友都十分口密，齊齊封嘴拒多講。
姜大偉兄長秦沛被問到琳琳姐的病況時，聲線忽變低沉，顯得極不開心地說：「唔好意思，我答唔到你。」
當年曾是溫哥華之友的謝賢(四哥)，對於李琳琳患癌的消息，他說：「冇呀，等我打個電話問吓佢先！」
關菊英說：「我知佢之前有唔舒服，不過依家好穩定啦。我都有幾個月冇見過佢，靠身邊朋友講我知佢近況。」
汪明荃本周三（ 4日）於電視城拍攝時被問及李琳琳病情時，顯得相當不耐煩：「我同你講咗我咩都唔知！」
撰文：娛樂組
攝影：攝影組
23:27:50 被【
网易论坛，天天相伴
谁人谈「再见」再不见面，谁人谈「永远」永不兑现，情长而季节太短，离别直到思念，曾辗转反侧三百天。从前如荡失终点两边，从头来用一分钟初见。情人在望天兜转擦肩，我转身应该找到你视线。
积分: 25662
发帖: 11373 篇
在线时长: 1202 小时
稍等，網絡有點慢。
网易论坛，天天相伴
歌在唱舞在跳 長夜漫漫不覺曉 將快樂尋找
积分: 12368
发帖: 37119 篇
在线时长: 515 小时
怎么还改标题……
积分: 25663
发帖: 11373 篇
在线时长: 1203 小时
因為某人┄┄所以換標題了┄┄
网易论坛，天天相伴
歌在唱舞在跳 長夜漫漫不覺曉 將快樂尋找
下次自动登录
每30秒自动保存一次内容
我眼中的似水流年作品征集
24小时热帖榜
下次自动登录